بسم الله الرحمن الرحيم
السلام عليكم ورحمة الله وبركاته
مش عارف ممكن الموضوع قديم شويه
لكن لازم من طرحه مره أخرى شن قصة الشباب بالزبط؟
مافيش زنقه ولا شارع إلا فيها 3 أربعه شباب مهاجرين برا ليبيا
لا والكارثه إن باقى جماعة شارعهم كلهم يفكرو يبو يطلعو برا زيهم
الشباب الليبى كله يفكر فى الهجره
وين ماتمشى تلقاهم يقولولك كان نلقى نطلع برا
السويد...بريطانيا...مالطا...هولندا
وأسوأ أنواع الشغل
هل بالفعل بلادنا صعب العيش فيها؟
هل من المستحيل إنك تعيش فى ليبيا؟
وإلا فيه كيف... غير مشكلة الشباب خايف على كرامته
يعنى مايبيش يشتغل هذه الأنواع من الأشغال فى بلاده وقدام صحابه وجماعة شارعه
يعنى مثلا فى مطعم محل ورد وما أدراكَ
أرجو أن تشاركونا وتنورونا بآرائكم فى الموضوع
وشكرا
السبت أغسطس 22, 2009 3:34 pm
