أقبلوا محاولتي التي لا توفي أي أم حقها
الأم كلمة..
الأم كلمة مالهاش أحدود....و الأم قمة في الكرم و الجود
يكمل العمر وما تكمل انهار عطاها...و ما أنضن يبقي ها العطى محدود
تفني العمر في سبيل ضناها...و الأم ماساة نادرة لوجود
وهي يالاية ........نرمي أمواجع بالهموم ملاية
تزها الدنيا أمعاها الي بضحكتا تبدى أيام زهاية
تضحك و تشفي أجروح ما يمحاها....أكبر طبيب عالوطى موجود
نهار توفت.....نهار لا نبض قلبي ولا أفكاري غفت
نهار أسود الدنيا فيه تحفت ... ونزلت الدمعة شرطة للخدود
نهار الغيبة......... نهار فيه حتى الى كارهني علي حن أقليبة
نهار فيه أعروقي صارتلهن تصليبة... لا جرا دم فيهن لا أتقول كان موجود
نهار أوداعك ..... نهار أشتقنا فيه لضحكتك و أسماعك
أنتي أتهدرزي و أنا أحذاك أنداعك.. أنريد نقربك يا أغلا ما فهالوجود
كسور كثيرا في هذه المحاولة
ليس لدي خبرة كبيرة في كتابة الشعر
لكن الموقف أجبرني على كتابت ما قرائتم
رحم الله أمهاتنا و أدخلهن فسيح جناته
و جعل قبورهن روضة من رياض الجنان
للشاعر. مراد البرعصى
مع تحيات
السبت أغسطس 22, 2009 3:37 pm
